👉 Norentzat da?
Yoga pixka bat praktikatu ohi duten pertsonentzat, oinarrizko posturak ezagutzen dituztenentzat. Ez da beharrezkoa maila aurreratua izatea, baina bai esperientzia apur bat eta praktikan sakontzeko gogoa izatea, gorputzetik eta kontzientziatik abiatuta.
👉 Zer egingo dugu zehazki?
Sekuentzia dinamikoak, asanak mantenduta, mugikortasuna, arnasketa, integraziorako pausak eta meditazioa landuko ditugu. Horrez gain, Shiva Natararen sinbolismoari buruzko gako errazak eskainiko ditut, praktikan egiten dugunari zentzua emateko.
👉 Oso gogorra edo luzea izango da?
3 orduko saioa da, baina erritmo progresiboarekin, atseden tarteekin eta intentsitatea norberak egokitzeko aukerarekin. Ez da maratoia: lan egiteko eta gorputza entzuteko espazioa da.
👉 Filosofia jakin behar da?
Ez 🙂. Zati sinbolikoa modu errazean lantzen da, esperientziara eramanez: ez da hitzaldi teoriko bat, baizik eta praktika hobeto sentitzeko eta eguneroko bizitzan aplikatzeko gida bat.
👉 Deseroso edo lekuz kanpo sentituko naiz?
Ez. Espazio zaindua da eta pertsona bakoitzak bere unera egokitzen du praktika.
Etortzeko gogoa baduzu edo beste zalantzaren bat baduzu, idatzi lasai 🙏.